Salam Anak IT.
Al-kisah...
Pada suatu hari... Hajah Kilala meminta bantuan daripada Awang Nitwok...
Hajah Kilala: Wang... Minta tulung ku...
Awang Nitwok: Mengapa ya kajah?...
Hajah Kilala: Atue bah... Modem Broadband ku ani baru jua ku membali kelmarin dari urang arahBruDirect... Ia cakap baik masih... Tapinya ani langsung inda mau...
Awang Nitwok: Oh... Prepaid kah? Line kita DST or B-Mobile?
Hajah Kilala: Line ku DST...
Awang Nitwok: Barang kali inda berisi kredit pakah...
Hajah Kilala: Berisi eh... Kelmarin jua ku recharge... Cuba ko miskol...
Awang Nitwok: Miskol?... Apakan?...
Hajah Kilala: Mubail ku bah... Cuba ko talipaun... Ada kredit tu masih...
Awang Nitwok: Kita ani kan online makai mubail kah ataupun modem kita anie? *sambil menunjuk arah modemnya*
Hajah Kilala: Modem ani lah... Iatah ku bali untuk ku kan online ni... Padah anak ku ada urang bejual kain lawa-lawa arah apa namanya tue?? Pisbuk??... Yetah kan meliat nie...
Awang Nitwok: Modem biskita ani ada SIM card sudah?
Hajah Kilala: SIM Card?? Untuk apa lagi tue? Bukan selajur dapat online kah?...
Awang Nitwok: ... ... ... -_-"
Yes... Untuk biskita yang masih alum tau cana makai Broadband melalui Modem yang makai USB atue, mesti ada 3G-type SIM card either from DST or B-Mobile (if di Brunei)...
Sekian, harap maklum...